LYRICS

bhagwan, bhagwan, bhagwan
o duniya ke rakhwale, sun dard bhare mere naale
sun dard bhare mere naale
aas nirash ke do rango se duniya tune sajaayi
naiyya sang tufaan banaya, milan ke saath judaayi
jaa dekh liya harjaayi
o lut gayi mere pyaar ki nagri, ab to neer baha le
ab to neer baha le, o ab to neer baha le
o duniya ke rakhwale, sun dard bhare mere naale
sun dard bhare mere naale

aag bani saawan ki barsa, phul bane angaare
naagin ban gayi raat suhaani, patthar ban gaye taare
sab tut chuke hai sahaare, o jeewan apna wapas le le
jeewan dene wale, o duniya ke rakhwale 

chaand ko dhundhe pagal suraj, shaam ko dhundhe sawera
mai bhi dhundhu us pritam ko, ho naa saka jo mera
bhagwan bhala ho tera, o kismat phooti aas naa tuti
paon me pad gaye chhale, o duniya ke rakhwale 

mahal udaas aur galiyaan suni, chup-chup hai deeware
dil kya ujda duniya ujdi, ruth gayi hai bahaare
ham jeewan kaise guzaare, o mandir girta phir ban jaata
dil ko kaun sambhaale
o duniya ke rakhwale, sun dard bhare mere naale
sun dard bhare mere naale
o duniya ke rakhwale, rakhwale, rakhwale, rakhwale

YOUTUBE

ADVERTISEMENT